Soğan ilə qızardılmış kartof... Bir çoxları bu yeməyi ideal hesab edir. Kartofun dadı incə soğanların şirinliyi ilə mükəmməl şəkildə tamamlanır. Ancaq mütəxəssislər bu tərəvəzləri birlikdə qızartmağı məsləhət görmür.
Lent.az- əsasən Sağlamlıq.info xəbər verir ki, buna səbəb böyük miqdarda soğan suyunun sərbəst buraxılmasıdır.
Bu maye sayəsində kartof qızardılma əvəzinə bişməyə başlayır. Belə olan halda kartof çox yumşaq olacaq. Üzəri qabıq bağlamayacaq. Nəticədə çoxlarının xoşladığı xırçıltılı kartof əldə olunmayacaq.
Bəs, kartof və soğan birlikdə çox sevilirsə, nə edilməlidir?
Əgər soğandan imtina etmək istənilmirsə, onda hər iki tərəvəzi müxtəlif qablarda qızartmaq məsləhətdir. Onlar tam bişdikdən sonra qarışdırıla bilər.
Bundan əlavə, soğan ilə yumşaq kartofu sevənlər çoxdur. Belə insanlar üçün problem yoxdur. Onlar bir qabda yeməyi hazırlaya bilərlər. Əsas odur ki, kartofun bişmiş və qızardılmamış olmasını bilmək lazımdır. 
